رد النجم تامر حسنى على مطالبات جمهوره الكبير بإقامة حفل غنائى أونلاين خلال الفترة المقبلة على غرار فنانين أخرين .
وقال “حسنى ” على صفحته الرسمية على موقع التواصل الإجتماعى “فيسبوك ” ، “كل حبايب قلبي الغاليين اللي بيطالبوا بحفله أونلاين “Online” أنا شايف كل طلباتكم و بجد إنتوا واحشني اكتر “.
حفلات أونلاين
وأضاف” أكيد اتعرض عليا حفلات Online من فتره بس الحقيقه أنا واخد عهد على نفسي في ظروفنا دي مش هعمل أي عمل فني و مش هغني إلا لو هيكون في فايده مجتمعيه ماديه و معنويه”.
وتابع :” حالياً في مفاوضات على حفله Online هيتخصص فيها منا جميعاً و من الرعاه الرسميين حصه كبيره من التبرعات للأسر المتضرره من وباء كورونا و الاسر محدودي الدخل “.
فيلم “مش أنا”
اما بالنسبة لإستكمال تصوير فيلم ( مش أنا ) فقال النجم الكبير ” أنا وقفت تصوير الفيلم من اول يوم حسيت فيه بخطر على الناس و قبل الحظر و قبل إعلان الدوله عن طلب عدم التجمعات فلا يمكن إستكمال تصوير الفيلم حرصاً على سلامة الجميع “.
أوبريت “أنت أقوى “
وفيما يتعلق بالاوبريت العربي (انت أقوى) فأشار إلى أنه تشرف بالإشتراك فيه .
وتابع “علشان هو عمل قومي محترم وليه هدف إنساني كبير بخلاف رفع الروح المعنويه والإيجابيه و نشر الأمل من جديد ان العائد المادي كله سيذهب بالكامل لمتضرري وباء كورونا و جميع صناع العمل متبرعين بأجورهم بالكامل و لهم كامل الإحترام و التقدير و تشرفت بالعمل معاهم كلهم “.
وقال فى ختام كلامه “إنتظروا الأوبريت العربي (انت أقوى ) خلال أيام إن شاء الله … و ربنا يحفظكم و يحفظنا جميعاً”.
